72歲生日開心見到孫仔 薛家燕預告母親節開網上騷

薛家燕昨日72歲生日，她到新城電台出席《家燕姐生日之Captain Nancy重出江湖》活動。家燕姐表示大家飽受疫情困擾，宣布將於五月啟動「Captain Nancy愛心基地」，舉行虛擬綫上嘉年華大派禮物，並會邀請藝人唱歌表演，以及播出她多年來的訪問片段。家燕姐續指將於母親節當天舉行網上show為大家打氣，除了有無綫的藝員同事，曾志偉也大力支持，她更希望邀請鍾嘉欣參與。

至於生日如何慶祝？家燕姐說︰「之前有兩個幾月無出街，早兩日先返TVB上節目。近日好開心可以見到孫仔，雖然佢戴住口罩，但係佢好乖、無掹口罩；孫仔依家九個幾月大，呢兩個月都只係靠視像同佢見面，所以佢見到我都有啲陌生。」家燕姐透露，晚上會與囝囝及新抱一家人吃飯，希望明年生日可以擺一百幾十圍，熱熱鬧鬧慶祝。她笑言︰「話咁快就一年，真係嘥咗我成年嘅青春。」

採訪︰Pauline

攝影︰林良明